Decálogo do bo cidadán - Paloma Díaz Andina

Paloma Díaz Andina

1. Que ninguén se atreva a pensar libremente, ou pode aniñar nel a incómoda dúbida.

2. Que ninguén vindique dereitos, non vaia socavar os cimentos do poder absoluto.

3. Que ninguén se doa do mal alleo, non vaia perturbar a súa estabilidade baleira.

4. Que ninguén reflexione, non vaia concluír que estamos inmersos na estupidez.

5. Que ninguén se resista ao conformismo instaurado, non vaia ser deportado ao illamento. 

6. Que ninguén abra os ollos, non vaia ver o que non lles convén aos amos do mundo.

7. Que ninguén viva dignamente sen cartos, non vaia ofender ás clases privilexiadas.

8. Que ninguén morra dignamente, non vaia ser condenado ao outro inferno, o de alén.

9. Que ninguén respire, mire, fale, coma o durma sen permiso da autoridade incompetente.

10. Que ninguén se mova, non vaia ser que algo cambie na nosa conciencia e na de todos.